இடுகைகள்

சித்திரக்கதை

படம்
  நிலாமுற்றம் கதைக்களம் சித்திரக்கதை 14.6.2021 எண்..2961 பிணைந்த கைகள் ஆட்டோவிலிருந்து அந்த ஆசிரம வாயிலில் இறங்கிய ஸாரா வேகமாக அறைக்குச் சென்று விட்டாள். அவள் உடம்பு நடுங்கிக் கொண்டிருந் தது. உள்ளேவந்தசெலினா ...என்னாச்சு ஸாரா? ஏன் அழுகிறாய்? பிரபு எங்கே? ஏதாவது பிரச்னையா?... என்றார். அவர் மடியில்  சரிந்தவள் துக்கம் தாங்காமல் அழுது விட்டாள். ஆங்கிலோஇந்தியப் பெண்ணான ஸாராவின் தாய்  இந்த ஆச்ரமத்தில் இருந்தவள், ஸாரா பிறந்த ஆறுமாதத்தில்  இறந்து விட்டாள். அதுமுதல் செலினாதான் அவளை வளர்த்து வருகிறாள்.  ஸாரா ஆசிரமத்திலேயே குழந்தைகளைப் பார்த்துக் கொண்டு கணக்குகளையும் பார்த்து வந்தாள். பிரபு ஒரு ஐ.டி. கம்பெனியில் பணிபுரிகிறான். அவனுடைய அதிகாரியுடன் இந்த ஆசிரமத்துக்கு வந்தவன் மாதாமாதம்  ஒரு தொகையை ஆசிரமத்துக்கு கொடுப்பதை வழக்கமாக்கிக் கொண்டான். சாராவின் அழகும் சுறுசுறுப்பும் அங்குள்ளோரிடம் அவள் காட்டும் பாசமும் நேசமும் பிடித்துப் போக அவளிடம் காதல் ஏற்பட்டது. ஆசிரமம் வரும்போதெல்லாம் தோட்டத்திலிருந்த ஒரு திண்ணையில் உட்கார்ந்து பேசிக் கொண்டிருப்பார்கள். பிரபு அவளைத் திருமணம் செய்து கொள்வதா
படம்
  பழுத்த மரம் எண்..2961 7.6.2021 விடிகாலை எழுந்து பல் துலக்கி காபி குடித்துக் கொண்டு  தொலைக்காட்சியைப் பார்த்துக் கொண்டிருந்தார் செங்கேணி. 'முன்னாள் முதலமைச்சர் பரிதிஇளம்மாறன் அவர்கள்தம் எழுபத்தெட்டாம் வயதில்  நேற்று இரவு மாரடைப்பால் காலமானார். அன்னாரது உடல் பொதுமக்கள் மரியாதைக்காக கட்சி மண்டபத்தில் வைக்கப்பட்டு மாலை தகனம் நடைபெறும்' என்ற செய்தி படத்துடன் ஒளிபரப்பாயிற்று. செங்கேணி செய்தியைக் கேட்டு..பரிதி. போயிட்டியாப்பா...என்று குரல் உயர்த்தி அழுதார். உள்ளிருந்து வந்த அவர் மனைவி காளியம்மா..என்னங்க என்னாச்சு? ஏன் அழறீங்க?..என்று கேட்க,..என் நல்ல நண்பன் பரிதி என்னைவிட சின்னவன் போயிட்டான்..என்று அழுதார். அவளும் செய்தியைக் கேட்டு பரிதாபப் பட்டாள். அடுத்த அரைமணியில் செங்கேணியின் கைபேசி ஒலிக்க அதை எடுத்தவனிடம் பரிதியின் மகன் குமரன்மாறன் பேசினான். ...பெரிப்பா. அப்பா நம்மை விட்டு போயிட்டார். நீங்கதான் அவருக்கு கட்டைகளைக் கொண்டு வந்து தகனம் செய்யணும்னு தன் ஆசையை என்கிட்ட சொன்னதோட உயிலும் எழுதி வெச்சிருக்காரு. நம்ம கட்சி ஆளுங்க கார் எடுத்துக்கிட்டு மதியம் வருவாங்க. நீங்க வந்துட

நுண்கதை

படம்
  நுண்கதை எண்..2961 29.4.2021 அன்னையர் தினம் அம்புஜத்திற்கு வயது எழுபது. மாதா மாதம் ரேஷன் கடையில்  வரிசையில் நின்று சாமான்களை  வாங்கிவர வேண்டியது அவள் வேலை. உடல் தள்ளாடும் வயதில் பசியுடன் நல்ல வெயிலில் நிற்பது எப்படி முடியும்? சாமான்களை வாங்கிப் போனால்தான் அவளுக்கு சாப்பாடு. முடியவில்லை என்றாலோ தண்டச்சோறு என்று மருமகள் வார்த்தைக ளாலேயே கொன்று விடுவாள்.  ஒரு காலத்தில் வசதியாக இருந்தவள்தான் அம்புஜம். அன்பான கணவர். ஒரே மகன். அவன் பிறந்த சில மாதங்களில் கணவர் இறந்துவிட, பிறந்த வீட்டார் உதவியுடன் தனியாக நின்று வளர்த்தாள். அவனோ பொறுப்பில்லாதவனாக வளர்ந்தான். படிப்பும் வராமல் பத்தாம் வகுப்புடன் நின்று விட்டான். ஒரு அடுக்குமாடி குடியிருப்பில் வாட்ச்மேன் வேலை. அவன் மனைவிக்கு கொடுத்த மரியாதையை தாய்க்கு கொடுக்கவில்லை. பெற்ற தாய் என்ற பரிவு கூட கிடையாது. இவள் முறை வந்து சாமான்கள் வாங்க இரண்டுமணி நேரமாயிற்று.  காலையில் குடித்த கஞ்சி எப்பவோ ஜீரணமாகி வயிறு கபகபவென்று பசித்தது.  போகும் வழியிலிருந்த ஆலயத்தில் அன்னதானம் நடந்து கொண்டிருந்தது. அங்கும் வரிசை. ஓய்ந்துபோய் நின்றவளின் அருகில் வந்த ஒரு ம

அம்மா அம்மாதான்! எண்..2961

படம்
அம்மா அம்மாதான்! எண்..2961 30.5.'21 அம்மா அம்மாதான்! ஊருக்கு போய் வந்தது முதல் தருண் மனம் அம்மாவின் நினைவிலேயே இருக்கிறது. சென்ற மாதம் அவன் தாத்தா பாட்டியின் சதாபிஷேகம். வீடு முழுதும் உறவுகள்.தருணின் அக்காவும் திருமணமாகி வெளிநாட்டு வாசம்.  ஆஸ்திரேலியாவில் பணிபுரியும் தருணுக்கு  திருமணமாகவில்லை. அவன் அம்மாபிள்ளை.  சதாபிஷேகத்திற்கு உறவினர்கள் பலர் வந்திருந்ததால் வீட்டோடு ஒரு சமையற்காரரை ஏற்பாடு செய்திருந்தாள் அவன் அம்மா லட்சுமி. இன்றுதான் எல்லோரும் கிளம்பிச் சென்றபின் 'அப்பாடா' என்று சற்று கால் நீட்டி அமர்ந்தாள். தருண் வந்து அவள் மடியில் தலை வைத்துப் படுத்தான்.  'என்னடா வேண்டும்? நாலஞ்சு நாளா நல்ல சாப்பாடு சாப்பிட்டயா? அங்கதான் நீயே ஏதோ பண்ணி சாப்பிடறயே. ' 'அட போம்மா. நான் அதுக்காகவா வந்தேன். உன் கையால ஒரு  பூண்டுரசம்  சாதம் சாப்பிடணும்.அந்த ருசி எதில?' 'அட அசடே..அதான் டல்லா இருக்கியா? இதோ சாயந்திரமே பண்ணிப் போடறேண்டா'. 'அம்மா..கூடவே அந்த கத்தரிக்காய் ரசவாங்கியும் பண்ணிடு.'இது பெண் பூரணியின் ஆர்டர். அம்மாவின் கைமணத்துக்கு இணையேது?

மந்திரக்கதை

படம்
  நிலா முற்றம் கதைக்களம் மந்திரக்கதை எண்..2961 20.4.'21 மந்திரவாதி மகேந்திரன் மாயாஜால மன்னன் மந்திரவாதி மகேந்திரன் மேஜிக் செய்வதில் மிகவும் திறமைக்காரன். பி.காம் படித்தும் தன் அப்பாவின் வாக்கைக் காப்பாற்ற இதுவரைவேறு வேலைக்கு செல்லாமல் மேஜிக்கையே தொழிலாகக் கொண்டு வாழ்கிறான்.  அவனுடைய அப்பா, தாத்தா, கொள்ளுத் தாத்தா என்று எல்லோருமே மேஜிக்கில் சிறப்பு பெற்றவர்கள். வெறும் கையைத் திறந்தால் வரும் புறா, காலிப் பெட்டியில் பெண், வெறும் கையை மூடித் திறந்தால் கொட்டும் சாக்லேட் என நிறைய மந்திர தந்திரக் காட்சிகள் பார்ப்பவரை மெய் மறந்து கண் விரியப் பார்க்க வைக்கும்.  முன்பெல்லாம் மேஜிக்குக்கு இருந்த பெருமை தற்காலத்தில் இல்லை. மாதம் இரண்டு மூன்று நாட்கள் மட்டுமே பள்ளிகள், அலுவலகங்களில் மேஜிக் ஏற்பாடு செய்கிறார்கள். இப்பொழுதுதான் சிறு குழந்தை கூட கையில் மொபைலில் காட்சிகளை மாற்றி மாற்றி மேஜிக் செய்கிறார்களே! மகேந்திரனுக்கு சொந்தமாக வீடு இருந்தது. அவன் மனைவி பள்ளி ஆசிரியை.ஒரே மகன்  நரேன் ஐந்தாம் வகுப்பு படிக்கிறான்.  முன்பெல்லாம் மகேந்திரன் அசல் மந்திரவாதி போன்றே கையில் விசிறி, மந்திரக் கோலுடன் நீண்ட

மகளிர் தினம் - சித்திரக்கதை

படம்
  மகளிர் தினம் 14.3.'21 எண்..2961 மகளிர் தினம் வேலைகளை முடித்து    மொபைலில்  வாட்ஸப்பில் கண்களை பதித்த வித்யா மகள் சுனிதாவிடமிருந்து வந்த மெஸேஜைப் பார்த்தாள். அது ஒரு ஓவியம். அச்சுஅசலாக தன்னைப் போலவே இருந்த அந்தப் பெண் இடது கையில் ஒரு புத்தகத்தைப் படித்துக் கொண்டே  சமைப்பது போல் வரையப் பட்டிருந்தது. கீழே வனிதாவின் கையெழுத்து. 'அட..எவ்வளவு தத்ரூபமா என்னை வரைஞ்சிருக்கா' என்ற மகிழ்ச்சி வித்யாவுக்கு. கூடவே ஒரு வருத்தம், 'என்னைப் பற்றி இவளுக்கு இதுக்கு மேல் தெரியவில்லையே' என்று. வித்யா சிறு வயதில்  சகலகலாவல்லி என சொல்லுமளவு பரத நாட்டியம், சங்கீதம், ஓவியம், கைவேலை என்று அத்தனையிலும் தேர்ச்சி பெற்றதுடன் அவற்றில் பங்கு பெற்று நிறைய பரிசுகளும் வாங்கியிருக்கிறாள். டிகிரி முடித்ததும் அவள் அப்பா திருமணம் முடித்ததோடு, புக்ககத்தார் அனுமதித்தால் வேலைக்குப் போகும்படி சொல்லிவிட்டார்.  அவள் கணவன் ஆனந்த் ஒரே பிள்ளை. திருமணத்திற்குப் பின் அவள் வேலைக்கு செல்வதை அவள் மாமியார் விரும்பவில்லை.  ஆனந்தும் அதிகம் பேசுவதில்லை என்பதோடு அவளுடைய ஆசைகளையோ விருப்பங்களையோ கேட்டதே கிடையாது.  எந்த சுவா

இணைந்த மன(த)ங்கள்

படம்
  நுண்கதை இணைந்த மன(த)ங்கள் 29.3.2021 எண்..2961 "அமீத்பாய்..நல்லா இருக்கீங்களா?" "வாப்பா மணிகண்டா. நல்லா இருக்கேன்பா. நீ நலமா? வீட்டில எல்லாரும் சுகமா?" "எல்லாரும் நலம்.  ஒரு ஆஞ்சநேயர் படம் வேணும்." "இந்தா இந்தப்படம் வச்சுக்க.  அதிவீரபராக்ரம ஆஞ்சநேயர். எந்த பயமும் கஷ்டமும் வராது." "அதெப்படி பாய். நான் சொல்லாமலே கஷ்டம் வராதுனு சொல்றீங்க. கொஞ்ச நாளா மனசுல ஒரு குழப்பம். அதான்...ஹனுமான் படம் வாங்கி கும்பிடலாம்னு கேட்டேன்". "நான் ஒரு சின்ன தோத்திரம் எழுதித் தரேன். அதை தினமும் சொல்லு". "உங்களுக்கு எப்படி இதல்லாம் தெரியும்? நீங்க முகமதியராச்சே?" "நான் சின்னப் பிள்ளையா இருந்தப்ப எங்க வீட்டு பக்கத்தில ஒரு கோவில் குருக்களய்யா குடியிருந்தாரு. நானும் அவர் பையன் சபேசனும் ஒரே வகுப்புல படிச்சிட்டிருந்தோம். நான் அவங்க வீட்டுலதான் நிறைய நேரம் இருப்பேன். "அந்த ஐயா நிறைய கதை சொல்வாரு. நல்ல நல்ல விஷயங்கள் சொல்வாரு. அவர்தான் இதெல்லாம் சொல்லிக் கொடுத்தாரு. நான் இந்தக் கடை வைக்க காரணமே அதுதான்." "நீங்க சொல்